Skip to main content

Македонската младина

До пред некое време на улица ќе слушневте како се зборува за луѓето кои интензивно ги користат социјалните мрежи за комуникација. Ќе слушневте како тие се луѓе кои немаат социјален живот, кои не знаат како е да се биде дел од вербална комуникација поразлична од онаа во која се вклучени мониоторт и тастатурата. Па дури ќе слушневте и дека овие луѓе, кои со тастатурата пред себе можат да направат буквално сè, на улица не знаат ниту да гукнат, а не пак да кажат нешто кое ќе биде конструктивно или со некоја посебна важност.

Денес, токму овие луѓе се причината поради која младината на Македонија се бори за своите права. Токму овие луѓе се гласот на правдата, гласот на вербата во подобро утре и основата на една побезбедна иднина. Жално е што требаше да се случи една непријатна работа како убиството на 22 годишниот Мартин, за да ние младите ја покажеме моќта која ја имаме како дел од народот на оваа 2 милионска земја - меѓутоа сепак треба да бидеме горди што на некаков начин покажавме дека без разлика на сè, сепак сме способни да се бориме за она кое што го заслужува секој човек - правото на живот.

Протестите кои секојдневно се сè помасовни и помасовни, се доказ за свеста на младината во која многумина од постарите одамна ја загубија вербата - младината за која се зборуваше дека не знае ништо попаметно од штракање на компјутер, пијанчење по улица, глпирање низ дискотеки и правење секакви глупости.

Па почитувани постари граѓани на државата - имајте малку доблест, поддржете ја младината во која изгубивте доверба одамна и не заборавајте дека она што таа го прави сега ја подобрува иднината на вашите деца, внуци и сè она што ќе биде ваш потомок.

Никогаш, ама буквално никогаш не ја потценувајте моќта на духот на младите без разлика на кој начин и да избрале да живеат и да комуницираат со светот.

Popular posts from this blog

Предновогдишна еуфорија

Не е еуфорија.

Комбинација од спомени од семејна топлина, од убава атмосфера, насмеани луѓе, симпатично украсени излози на продавници, накитени канделабри, дрвја, паркови, улици. Испреплетено со ладниот воздух, веењето на снег, тркалањето снежни топки за снешко, шарите на прозорите наутро. Чајот, столната ламба, книгата, тивката божиќна компилација од музика пуштена да ја надополнува атмосферата во позадина. Трепелтивата светлина од миризливата свеќа, волнените капа, шал и ракавици. Сеќавањето на многуте честитки кои ги праќавме и добивавме, избирањето на истите по тезгите на плоштад. Китење на елката, отплеткувањето на сијаличките и нивната музика, бирањето на нови лампиони и украси во поранешен Смешко на Максим Горки. Санката на полјаната до зграда, пакетчињата под елка, плишаните новогодишни мечиња. Зимскиот распуст, игрите со снег, мавањето со топки снег по автобуси, лижењето мразулци кои висат од покриви и натстрешници.
И денес, бидејќи многу од ова фали, поради обврските кои ги…

Скопје и ноќниот живот

Не знам дали е до мене (не е!) или до градот наш насушен, ама постов ќе го почнам директно со потенцирање на неговата цел - НОЌНИОТ ЖИВОТ У ГРАДОВ Е СРАЊЕ!

Ако тргнете во петок вечер да излезете, без притоа да немате некаде резервација, шансите да најдете место се нула. Скопје е веројатно првиот град во светот каде се резервираат места на шанк. Од кога по ѓаволите шанкот е нешто што се резервира?! Као, ако е празно, застануваш пиеш и си идеш, ако не е само си идеш и тоа е тоа.

Вториот агол од кој можете да го разгледате нашиот ноќен живот е изборот на локали каде може да отидете. Не знам, 10 нека се преку сила. Години уназад се истите локали само шо на година дена менуваат име и лик, две недели има поразлична музика и концепт на забави и после тоа - сè по старо.

- Беше у тоа новото на плоштад? Многу е добро, се вика 'рендомиме'.
- Не беше тоа 'претходнорендомиме'?
- Па да ама се смени газдата и внатре малку ентериерот и сеа е многу кул место.
* исти фаци, иста музика, …

Македонските јавни лица и терминологијата

Во моменти кога се потпишува петиција за подобри услови за децата со посебни потреби, кога народот почнува да размислува малку повеќе за сите групи на граѓани кои се дел од ова општество и појавува желба да помогне во подобрување на положбата во општеството на истите, се соочуваме со појава на група на поединци (во случајов политички аналитичар) кои мавтајќи со своите дипломи и титули (поради кои очекуваме дека ќе се начитани и ќе имаат тро побогат речник за употреба, а и самите богами така се поставуваат) без никакво размислување, за опишување на негативна карактеристика на поединец користат терминологија поврзана со една од состојбите на децата кои спаѓаат во онаа група за која се потпишува петицијата. Не знам кој е Петар Арсовски, и искрено не ме ни интересира да дознаам, ама тој Петар Арсовски кога веќе се нарекува политички аналитичар, чие мислење се очекува да има некаква тежина, не смее да си дозволи дури ни во момент на афектна состојба да изјави нешто како она на сликата подо…