Skip to main content

Скопје и ноќниот живот

Не знам дали е до мене (не е!) или до градот наш насушен, ама постов ќе го почнам директно со потенцирање на неговата цел - НОЌНИОТ ЖИВОТ У ГРАДОВ Е СРАЊЕ!

Ако тргнете во петок вечер да излезете, без притоа да немате некаде резервација, шансите да најдете место се нула. Скопје е веројатно првиот град во светот каде се резервираат места на шанк. Од кога по ѓаволите шанкот е нешто што се резервира?! Као, ако е празно, застануваш пиеш и си идеш, ако не е само си идеш и тоа е тоа.

Вториот агол од кој можете да го разгледате нашиот ноќен живот е изборот на локали каде може да отидете. Не знам, 10 нека се преку сила. Години уназад се истите локали само шо на година дена менуваат име и лик, две недели има поразлична музика и концепт на забави и после тоа - сè по старо.

- Беше у тоа новото на плоштад? Многу е добро, се вика 'рендомиме'.
- Не беше тоа 'претходнорендомиме'?
- Па да ама се смени газдата и внатре малку ентериерот и сеа е многу кул место.
* исти фаци, иста музика, исти правила

Трет аспект на гледање е поделеноста на 'формата' на луѓе шо се движат по градов па соодветно на тоа и зафаќаат разни површини на кои пијат и се журкаат.

1. ПРЕКУЛ АНДЕРГРАУНД ВРЗАНИ СО ШАЛ ОКОЛУ ЦЕЛО ТЕЛО ФАЦИ - излезеш ли на вакво место, ако не си у фазон уз алкохол да дебатираш за на политичарите прљавите гаќи и ако немаш активна идеја како да го спречиш глобалното затополување притоа ставајќи акцент на решавањето на гладот на децата во Африка и тешкиот живот на бегалците од Сирија - дефинитивно нема да припаѓаш на таа забава. Таму не смееш да си опуштен и да сакаш да играш - одма не си достоен да ја носиш титулата свесно човечко битие поради тоа што додека ти тераш хедонистички живот, некој таму во светот се мачи да преживее барајќи храна и вода.
2. ГЕЈ ИЗ СОУ МАЧ ОКЕЈ ШО СИТЕ СЕ ГЕЈ - идеш у некое налик кул местенце, ти се свиѓа амбиент и музика и внатре мажи шо чекаат да се појават други мажи и нишо друго. Глупи чаршиски фрлања ишарет, потфаќање за газ у темница као шо се праеше на времето у Миднајт коа 40 годишни чичиња фаќаа млади девојчиња. Залижани косишта со еден тон гел и една избричена страна од главата со мрсно репче фатено на темето - растргани маици и фармерки искинати како низ мелница да поминале. Ако овде си дошол само да испиеш една пијачка на раат, малку да мрднеш на музика и да си идеш - не си за тука.
3. ВИДИ МЕ АМА СУМ ФЕНСИ И ЧАСТИ МЕ ПИЈАЧКА - 97% од местата за искачање навечер се сведоа на 'ја се знам со вратарот, дефинитивно влагаме'. Ваквите журки најчести низ Скопје, кај шо иде бесна техно-електронска музика се идеални за ако сакаш да те гледаат попреку шо не влагаш на сепаре со џипот и ланецот околу врат, избричен у главата и со скапиот ајфон ес 6ка на маса остаен веднаш до флашата Јегер. Задолжително треба да си на штикла 23ка, 3 шишенца пудра на фаца, евтин парфем и многу многу шљокици по облеката. Нема тука дојдов да си поминам убаво. Има само дојдов да изгледам 'убаво'. Ако сакаш мирна вечер со една - две пијачки и фина музика - не си ни за тука.

Најдете се повредени, повикани, омаловажени и какви сè не во постов. Сликата е таа, нема кај да ја скриеме вистината. Нема доволно големо чергиче за да ги пикнеме работиве под него и да се праиме дека не се тука.

Посебен shoutout до вработените во сите локали. АКО Е СМЕТКАТА 480 И ТИ ДААМ 500 ТИЕ 20 ДЕНАРИ ЌЕ ТИ ГИ ДАДАМ ЈАС АКО САКАМ.
Не е работата за 20 денари. Кај ви ги натплаќаме пијачките, уште пари да земате без да ви ги даде некој е тажно. Имате работодавец од кој земате плата за работата и секој бакшиш треба да е последица на добра услуга и задоволство на клиентот. Ако ви е платата мала, зборете си со шефот. И да, давајте фискални коа наплаќате. Не знаете во кој момент некој од излезените на кои им земате пари, не им давате фискална и не им враќате кусур е всушност УЈП дојден на терен.

Со почит и никавко разбирање за бедниот ноќен живот во Скопје.

Popular posts from this blog

Култура

Доволно е да излезете до маалската продавница, не мора подалеку да отидете, за да забележите шо народ сме и колку многу ни фали за да можеме да кажеме дека сме современо општество.
Одиш накај маркет и пред да влезеш забележуваш дека рандом чоек број 1 не задржува врата на рандом чоек број 2 натоварен со кеси.
Влагаш у маркет, на сред пат застанала госпоЖа со натапирана фризура, бордно кармин, тегет комплетче и збори на телефон за шо ѝ треба дома расчепатена со газот на едниот крај од патот а со количката на другиот. Те гледа дека пробуваш да поминеш, и не, не се трга. Ќе и се измести колкот најверојатно.
Стигаш на каса и ооооп рандом чоек број 3 те потепува за да застане пред тебе пошо нели он има само цигари да земе а и се брза, пошо ти си најслободниот чоек на цел свет и времето секогаш е во твоја корист.
Дополнително на каса, ако не ѝ се погодил денот на касиерката ти го џитка кусурот низ цел маркет па ти иди собирај ги 50те денари што ти ги вратила во форма денарче и две денарчиња…

Баланс меѓу друштво и врска

Имав еден благ излив на напетост вчера вечер кој резултираше со неколку последователни твитови, доста поучни, секојдневни и невидено саркастични. Ќе направам еден мал пост од нив кој се надевам некако ќе допре до луѓето кои се на почеток во нова врска и кои не знаат како треба да си ги избалансираат односите со луѓето.
 Еве ги правилата за другарство и врска:

Правило за другарство и врска број 1: Сè шо ќе напрајш муабет со другарите пренеси му на дечко ти, пошо он треба да ти го испере мозочето
— Објавувачот (@Publishermkd) November 3, 2013

Правило за другарство и врска број 2: Дечкото е секогаш побитен од сите поминати моменти со другарите, така да, screw them
— Објавувачот (@Publishermkd) November 3, 2013

Правило за другарство и врска број 3: Совет од другар не се прифаќа. Он те знае само повеќе од 2 години и не знае шо е добро за тебе
— Објавувачот (@Publishermkd) November 3, 2013

Правило за другарство и врска број 4: Совет од дечко е ултиматум пошо он иако те знае само 3 месеци, т…