Макфест - фестивал со традиција долга цели 26 години. Фестивал чие име означува квалитет, односно од денес веќе може слободно да кажам - означуваше.
Секогаш се интересни дебитантските вечери кога очекуваме некоја нова надежна ѕвезда да се појави на сцена, со изглед кој остава без зборови, песна која те тера да ги мрдаш нозете и глас кој ти го зема здивот.
Она на што бевме сведоци оваа година е нешто сосема спротивно од погоре наведеното. Се појавија “таленти“ од кои претпоставувам повеќе од 70% во животот не ни помислиле да се занимаваат со музика. Се појавија фацки кои водени од желбата за слава, поддржани од блиските дека можат да успеат (без разлика на тоа дали се талентирани или не), едноставно пробаа да испејат нешто. Излегоа на сцена млади луѓе кои реално очекуваат дека со талентот кој го презентираа на дебитанската вечер да си обезбедат место на македонската музичка сцена.
Нема да ги обвинам толку дебитантите колку оние кои им ги прават песните. А нема па ни на нив да ја фрлам кривицата колку што ќе ги посочам оние кои моментално ја прават македонската естрада.
Критериумите се толку ниско паднати, што конкретно еден Дејан Тасев (чисто за пример е земен човекот) со неговата песна Врати се, себеси се гледа веќе како една од многуте ѕвезди на македонското музичко небо. Она што не само он туку и сите како него кои вечерва беа дел од шоуто не го разбираат, е дека македонската музика има очајна потреба од еволуција. Не ни требаат текстови на Елвир, Јован, Врчак. Преку глава од текстовите на Габровски, Слаткар па гледам дури и Сања Николиќ (манекена бе, манекенка).
Копров може да е најстариот и најпознатиот композитор во земјава, ама стилот му е застанат во 90те и упорно не мрда од таа една мртва точка.
Аранжманот на песните е поочаен од 43 годишна стара мома која уште живее со нејзините и се уште го чека принцот на бел коњ.
Не знам колку од вас ќе се согласат со мене, но голем дел од учесниците звучеа како прв пат да си ја пеат песната. Интонацијата строго забрането да се погоди. Тоновите во позадина повисоки за неколку степени во однос на реалниот распон на гласот. Фалширање не до максимум, ама некаде во негова близина. Сценски настапи, една Каролина што е најголем антиталент за движење на сцена, за овие денес беше Бог.
Македонската твитер сцена баш и не го поднесе овој очај како што тоа го издржаа луѓето со неверојатни живци кои беа во публика, па еве неколку од многуте твитови посветени на овогодинешниот Макфест.
Де бе луѓе, чизми над колена, над нив подвезици и над нив минич? Кој страшен невкус! Ова ли е за на
#Макфест - фестивал на ШЛАГЕРИ и БАЛАДИ?#Глупиводителки Не можат да смислат некое просто прашање, па „ај отпеј ни нешто“.#Макфест- Проклети да сте што ме кандисавте да уклучам ТВ. 2месеци rehab ќе ми треба после ова доживување...
#макфест - Моментот кога сфаќаш дека кореографиите се спремани 15 мин.пред секој настап.
#макфест - Вера се согласувам со тебе, се чувствува тој смртен ВИРУС ВО ПЕСНИТЕ!
#макфест - Не сте свесни колку е бедна атмосферата во „Ацо Шопов“. Со години наназад одам на
#макфест , ама ми се чини дека оваа ептен е утната. - Колку за информација оваа Александра Бучевац стана позната по победа на Сунчане Скале, а татко и е директор на фестивалот.
#Макфест - Ја да сум у жири, напуштам сала у знак на протест
#макфест.
Македонска музичка сцена, RIP. Иднината и официјално ти е упропастена.
п.с. Не ги лажете младиве од денес дека знаат да пеат. Ќе ги акне тоа во глава, па после Цацко ќе е крив ко ќе неможат една песна да снимат.