Skip to main content

Трета смена 24/7/365

Сите си имаме доблести и маани, некакви пороци кои на еден или на друг начин влијаат на нас. Пошо не сакам ова да биде пост во кој ќе пишувам зборови кои налик ќе бидат како копани од Вујаклија, ќе си одам директно со поентата.

Ги спомнав погоре пороците кои нè следат постојано. Пред некое време, сам или со помош на некои личности си го открив главниот порок кој последниве два до три месеци ми виси над глава. Се вика трета смена и можете да го најдете секоја вечер на www.twitter.com како #третасмена некаде по 00:00am.

Овој порок најчесто ги зафаќа оние кои од некакви си непознати причини си патат од инсомнија, веруваат дека ноќта е поинтересна од денот, ги зафатила испитната бура по факултетите и тн. Верувале или не, од сите работи шо ги набројав, една не можам да ја одделам како посебна причина поради која навистина твитам во #третасмена.
Замислете ја #третасмена како една кафана. Во неа можете да најдете секакви луѓе и да слушнете секакви муабети. Од дебати на политички основи, музички свет, филмски остварувања, преку изливи на емоции, љубовни пораки и философски мисли, па се до неповрзани твитови колку да се исполни досадната вечер. Како пијачка строго се служи нескафе кое понекогаш може да биде пропратено со нечија понуда за заблажување на присутните со бајадерче, баклавче, на мама тортата, еклери и останати работи кои одлично ви прават лиги во доцните (или посоодветно кажано, раните) часови.
Атмосферата која го опколува локалчево е со некакво си пригушено светло, тивка музика од различни жанрови од сите страни и секако топлина која секој си ја чувствува од сопственто грејно тело кое го има покрај себе. Е освен оние на парно шо се греат па малку си се притресуваат од студ нели.

Пошо кафанава е така малку пообемна, некако не ми е соодветно да земам да ги опишувам гостите кои ми седат на околните маси и кои ги пазам што прават и како прават. Само ќе кажам дека друштвото кое навечер го нудат the insomniacs, workaholics, studyholics (јеј измислив збор) и оние обичните night owls е одличен начин да си го пополнам времето кое ако малку подразмислам би било поубаво од сега да го поминувам во спиење.
Сепак, кога би размислил малку поубаво од тоа поубавото шо ми беше смислено претходно нели, би сфатил дека ни на сон не можат да се замислат некои работи кои навечер во #третасмена сме во можност да ги прочитаме.

Тераме и денес дечки?! :)




Popular posts from this blog

Предновогдишна еуфорија

Не е еуфорија.

Комбинација од спомени од семејна топлина, од убава атмосфера, насмеани луѓе, симпатично украсени излози на продавници, накитени канделабри, дрвја, паркови, улици. Испреплетено со ладниот воздух, веењето на снег, тркалањето снежни топки за снешко, шарите на прозорите наутро. Чајот, столната ламба, книгата, тивката божиќна компилација од музика пуштена да ја надополнува атмосферата во позадина. Трепелтивата светлина од миризливата свеќа, волнените капа, шал и ракавици. Сеќавањето на многуте честитки кои ги праќавме и добивавме, избирањето на истите по тезгите на плоштад. Китење на елката, отплеткувањето на сијаличките и нивната музика, бирањето на нови лампиони и украси во поранешен Смешко на Максим Горки. Санката на полјаната до зграда, пакетчињата под елка, плишаните новогодишни мечиња. Зимскиот распуст, игрите со снег, мавањето со топки снег по автобуси, лижењето мразулци кои висат од покриви и натстрешници.
И денес, бидејќи многу од ова фали, поради обврските кои ги…

Скопје и ноќниот живот

Не знам дали е до мене (не е!) или до градот наш насушен, ама постов ќе го почнам директно со потенцирање на неговата цел - НОЌНИОТ ЖИВОТ У ГРАДОВ Е СРАЊЕ!

Ако тргнете во петок вечер да излезете, без притоа да немате некаде резервација, шансите да најдете место се нула. Скопје е веројатно првиот град во светот каде се резервираат места на шанк. Од кога по ѓаволите шанкот е нешто што се резервира?! Као, ако е празно, застануваш пиеш и си идеш, ако не е само си идеш и тоа е тоа.

Вториот агол од кој можете да го разгледате нашиот ноќен живот е изборот на локали каде може да отидете. Не знам, 10 нека се преку сила. Години уназад се истите локали само шо на година дена менуваат име и лик, две недели има поразлична музика и концепт на забави и после тоа - сè по старо.

- Беше у тоа новото на плоштад? Многу е добро, се вика 'рендомиме'.
- Не беше тоа 'претходнорендомиме'?
- Па да ама се смени газдата и внатре малку ентериерот и сеа е многу кул место.
* исти фаци, иста музика, …

Македонските јавни лица и терминологијата

Во моменти кога се потпишува петиција за подобри услови за децата со посебни потреби, кога народот почнува да размислува малку повеќе за сите групи на граѓани кои се дел од ова општество и појавува желба да помогне во подобрување на положбата во општеството на истите, се соочуваме со појава на група на поединци (во случајов политички аналитичар) кои мавтајќи со своите дипломи и титули (поради кои очекуваме дека ќе се начитани и ќе имаат тро побогат речник за употреба, а и самите богами така се поставуваат) без никакво размислување, за опишување на негативна карактеристика на поединец користат терминологија поврзана со една од состојбите на децата кои спаѓаат во онаа група за која се потпишува петицијата. Не знам кој е Петар Арсовски, и искрено не ме ни интересира да дознаам, ама тој Петар Арсовски кога веќе се нарекува политички аналитичар, чие мислење се очекува да има некаква тежина, не смее да си дозволи дури ни во момент на афектна состојба да изјави нешто како она на сликата подо…