После неколку жестоки дебати со доста луѓе на оваа тема, едноставно имам потреба мислењево мое да го споделам и јавно во однос на тоа дали хомосексуалноста е болест или не.
Е сега, кај хомосексуалците, по неколку истражувања утврдено е дека дел од хипоталамусот кој предизвика возбудување реагира повеќе на мириси кои содржат тестостерон (машки хормон), додека кај стрејт мажите истиот овој центар во хипоталамусот станувал активен при мириси со естроген (женски хормон). Нели, стрејт девојките би се возбудувале на мириси кои содржат тестостерон, што е нормално.
Од тука можеме да заклучиме дека доколку хомосексуалноста е болест, тогаш треба да биде болест и она што се јавува кај стрејт девојките во однос на мажите. Доколку реагирањето на хипоталамусот на тестостерон кај гејовите се смета за болест, тогаш фактички, секоја можна стрејт жена на светов пати од истата болест, бидејќи хипоталамусот и на неа и реагира на мириси во кои има тестостерон.
БОЛЕСТ е нешто кое што предизвикува промени во организмот при што истиот и го уништува, односно како што Википедија љуби да каже:
Болест (на лат. morbus) е длабоко и трајно нарушување од нормалната животна дејност на организмот, придружено со структурни и функционални измени во него.
Кога ќе најдете кој умрел поради својата сексуална ориентација (оставете ги на страна СПБ, затоа што тие се и те како редовни и помеѓу стрејт луѓето) како последица на структурни и функционални измени на организмот, тогаш ќе можете хомосексуалноста да ја класифицирате како болест.
Во спротивно, напразно одите со глава во ѕид против фактите
Во спротивно, напразно одите со глава во ѕид против фактите