Е не можам веќе. Си има фразички или зборови кои луѓево околу мене наместо да ги искоренуваат, започнуваат сè почесто и почесто да ги употребуваат. Да не го должам многу муабетов, еве ја листата.
- Лично и персонално - нели е очигледно дека се два збора со исто значење. Као ја бев на пазар и си купив 2 кила патлиџани и 3 кила домати.
- Нит ве знам нит ве познавам - АБЕ ШО ЗБОРИШ? Јас си викам може некој да не ме знае ама да ме познава како дишам бре
- Но меѓутоа - од такт ме вади ова. Шо не стајте и едно АМА измеѓу за да изгледате попаметни затоа што и реченицата автоматски ќе ви биде подолга. Односно нешто вака да би дошло: Ама, но меѓутоа... -.-
- Прибидејќи - дебилен збор кој нема да направи да изгледа како да имате побогат речник
- Страмота, стреќа, стреда и секој сличен збор збогатен со едно прекрасно Т на средина - srsly people и ќе се фрцкате со дипломи во раце дека сте завршиле факултет?
- Ступидно - мислам шо е со зборов?! Не значи дека ако употребите збор од странски јазик некако преиначен за македонски изговор дека автоматски IQ-то или пак и EQ-то ви расте до небо ако не и подалеку. Мислам тоа е едноставно НОН - СЕНС.
- Прoсто и едноставно - не ни треба мислам да давам некакво посебно објаснување за ова, нели?
Сега за сега, овие неколку фрази/зборови се оние кои ми доаѓаат на памет. Ветувам дека ако во блиска иднина ми текне уште нешто, веднаш ќе го додадам овде.
Но меѓутоа, иако нит ве знам, нит ве познавам, сакам лично и персонално да ви се заблагодарам на сите што ќе го прочитате ова, прибидејќи просто и едноставно една од работите кои придонесуваат за мојата стреќа е кога луѓето околу мене ја ценат мојата мисла доволно за да ја дочитаат до крај со што можеби некако истата ќе придонесе наоколу да има што помалку вакви ступидни испади.
ПоздраФ.