Skip to main content

Whitney Houston, RIP

Жал ми е што овој блог пост нема да биде посветен само на Витни, туку на сите оние ситни души кои ќе се јават да промрчат како тоа сега сите наеднаш стануваат фанови на Витни и жалат што умрела.
Побогу, пред помалку од една година пишував за истава работа кога умре Ејми. Што ако била наркоманка? Тоа треба да значи дека она што го оставила зад себе не вреди? Треба да се заборават сите песни кои ги има снимено, сите настапи кои ги има приредено?
Кој што сака нека каже, I Will Always Love You  е песна на која секој заљубен после прекинување на врска се пронаоѓа во песната. I Wanna Dance With Somebody е еден од највртените и најдобрите ретро - диско хитови.
I Have Nothing, Greatest Love Of All, Saving All My Love for You се само дел од хитовите во кои многумина уживале и сè уште уживаат.
Жално е што се зголемува бројот не на оние кои жалат по изгубените гласови, туку на оние кои се наоѓаат да искоментираат како не треба да се жали по наркомани или одамна пропаднати пејачи.
Не знам зошто е толку тешко да се прифати фактот дека музиката е она што нè интересира нас, а не приватниот живот на личноста. Гајле ми е мене ако Витни се дрогирала ко ненормална, или била алкохоличарка бетер оние кај мене у маало шо се пијанчат пред едно пропаднато продавниче. Слушнете ги бе погорните песни, и немојте да ми продавате од оние веќе преку глава шо ни се на сите приказните дека тоа се лигави женски песни. Бидете си малку достоинствени, следете си ги чувствата и реагирајте како што доликува на едно нормално човечко суштество.
Не тука, сте се научиле сите да изигравате роботи кои немаат ниту една ебана емоција во нив. Зборувате да не бидат луѓето лицемерни и да не се прават нешто што не се, како на пример нечиј фан кога нели ќе умре тој некој, а вие сте тие лицемери кои сами на себе не сакате да си признаете дека можеби другите се во право и дека вашиот префинет вкус за музика не е всушност и најправилниот.
На крај, ако стварно ама ич не ви е гајле за делата на некој што според вас не направил лично ништо за музиката (нели не измислил нов правец кој ве фасцинирал или не предизвикал масовни делириуми кај луѓето), прескокнете го секој статус кој е посветен на таа личност која умрела. Во спротивно, со самото мрчење за тоа како сега сите ставиле статуси конкретно за Витни и како сите инстантно станале фанови всушност предизвикувате поголема дистрибуција на истата вест со што автоматски станувате рамноправни со оние кои ги плукате.

Srsly, ако ви е мило дека некој умрел, закопајте ја и таа последна трошка човечност што ја имате и слободно терајте понатаму у животот живеејќи само од работите кои вас ви одговараат да ги слушате. Само да ве потсетам, многу од нештата кои се јавуваат околу нас не зависат од нашите желби.

И уште нешто, слободно бришете ме од сегде сите оние на кои утре ќе ви попречат моите линкови посветени на еден вокал каков што беше Витни. А утре, ко ќе ви раскине дечкото/девојката бидете достојни на својот збор и не ја пуштајте I Will Always Love You за да си олесните со неа.

RIP Whitney.


Popular posts from this blog

Предновогдишна еуфорија

Не е еуфорија.

Комбинација од спомени од семејна топлина, од убава атмосфера, насмеани луѓе, симпатично украсени излози на продавници, накитени канделабри, дрвја, паркови, улици. Испреплетено со ладниот воздух, веењето на снег, тркалањето снежни топки за снешко, шарите на прозорите наутро. Чајот, столната ламба, книгата, тивката божиќна компилација од музика пуштена да ја надополнува атмосферата во позадина. Трепелтивата светлина од миризливата свеќа, волнените капа, шал и ракавици. Сеќавањето на многуте честитки кои ги праќавме и добивавме, избирањето на истите по тезгите на плоштад. Китење на елката, отплеткувањето на сијаличките и нивната музика, бирањето на нови лампиони и украси во поранешен Смешко на Максим Горки. Санката на полјаната до зграда, пакетчињата под елка, плишаните новогодишни мечиња. Зимскиот распуст, игрите со снег, мавањето со топки снег по автобуси, лижењето мразулци кои висат од покриви и натстрешници.
И денес, бидејќи многу од ова фали, поради обврските кои ги…

Скопје и ноќниот живот

Не знам дали е до мене (не е!) или до градот наш насушен, ама постов ќе го почнам директно со потенцирање на неговата цел - НОЌНИОТ ЖИВОТ У ГРАДОВ Е СРАЊЕ!

Ако тргнете во петок вечер да излезете, без притоа да немате некаде резервација, шансите да најдете место се нула. Скопје е веројатно првиот град во светот каде се резервираат места на шанк. Од кога по ѓаволите шанкот е нешто што се резервира?! Као, ако е празно, застануваш пиеш и си идеш, ако не е само си идеш и тоа е тоа.

Вториот агол од кој можете да го разгледате нашиот ноќен живот е изборот на локали каде може да отидете. Не знам, 10 нека се преку сила. Години уназад се истите локали само шо на година дена менуваат име и лик, две недели има поразлична музика и концепт на забави и после тоа - сè по старо.

- Беше у тоа новото на плоштад? Многу е добро, се вика 'рендомиме'.
- Не беше тоа 'претходнорендомиме'?
- Па да ама се смени газдата и внатре малку ентериерот и сеа е многу кул место.
* исти фаци, иста музика, …

Македонските јавни лица и терминологијата

Во моменти кога се потпишува петиција за подобри услови за децата со посебни потреби, кога народот почнува да размислува малку повеќе за сите групи на граѓани кои се дел од ова општество и појавува желба да помогне во подобрување на положбата во општеството на истите, се соочуваме со појава на група на поединци (во случајов политички аналитичар) кои мавтајќи со своите дипломи и титули (поради кои очекуваме дека ќе се начитани и ќе имаат тро побогат речник за употреба, а и самите богами така се поставуваат) без никакво размислување, за опишување на негативна карактеристика на поединец користат терминологија поврзана со една од состојбите на децата кои спаѓаат во онаа група за која се потпишува петицијата. Не знам кој е Петар Арсовски, и искрено не ме ни интересира да дознаам, ама тој Петар Арсовски кога веќе се нарекува политички аналитичар, чие мислење се очекува да има некаква тежина, не смее да си дозволи дури ни во момент на афектна состојба да изјави нешто како она на сликата подо…