Skip to main content

7 начини како да си ги исушите чорапите

Секој ден сè повеќе и повеќе статии се пишуваат за различните начини на врзување марами, носење кошули, плетење плетенки, слушање музика, гледање филмови...
На ваше а и мое големо задоволство ќе ви ги претставам 7те начини како да си ги исушите чорапите.

  1. На жица - иако после проемните во Законот за домување овој начин не е баш соодветен, сепак чорапите можете да ги спружите на жица и да чекате водата едноставно да се исцеди/испари од нив
  2. Сушење со фен - не многу користен метод на сушење чорапи, но верувајте дека навистина е брз и едноставен.
  3. Мафтање - овој начин можете да го применувате во топите денови кога многумина немаат што да прават во слободното време. Фатете по еден чорап во секоја рака и почнете да го мафтате на сите страни. Тука се подразбираат:
    • мафтање со вртење во круг
    • мафтање лево десно
    • мафтање горе долу (како шамифче кога испраќате некого)
    • free - style мафтање кое е комбинација од сите погоре наведени
  4. Цедење - малку макотрпен, долготраен но успешен начин за сушење на чорапи. Фаќате по една чорапа и почнувате да ја цедите вртејќи со двете раце во обратна насока додека ја држите чорапата за двата краеви. По можеби скоро 4 - 5 саати чорапата ќе биде сосема сува.
  5. Поставување врз грејно тело (радијатор, термо и тн.) - ризичен начин кој може да доведе до спалување на чорапите но е доста експресивен и ефикасен. Кај овој метод мора да се напомене дека при сушењето чорапите треба повремено да се вртат од една на друга страна за да не дојде до евентуално согорување на материјалот поради високите температури на грејните тела во вашиот дом.
  6. Столица - сушење - овој метод е најчесто применлив во зима, кога не можете да ги користите жиците на балкон/тераса или евентуално сушалната (која ако ја внесете во соба ќе завземе доста простор) поради влажноста на воздухот која ќе го успори процесот на сушење на чорапите а студот може и да ја замрзне водата при што се добиваат привремени бумеранзи. Во тој случај чорапите се редат по дома по потпирачите на столиците со што истите ќе се сушат од топлината на вашиот дом. Не заборавајте, дел од водата ќе си навлезе и во самото дрво на столиците.
  7. Машина за перење алишта со програма за сушење на истите - најверојатно најскап метод за сушење на чорапи, но е долготрајна инвестиција со која ви се гарантира автоматско сушење на чорапите по нивно перење. Овој начин од вас бара само еднократно одврзување на ќесето со парички. Остатокот од работата е на самата машина.
Секако, доколку сакате да ги избегнете овие начини на сушење, постои опцијата воопшто да не ги перете чорапите  па или да ги носите додека не се распаднат сами од себе или носените да ги фрлате и да купувате нови со што се избегнува потребата од нивно сушење.

Следната недела ќе читате: Како да си го избришете задникот на повеќе начини.









Popular posts from this blog

Предновогдишна еуфорија

Не е еуфорија.

Комбинација од спомени од семејна топлина, од убава атмосфера, насмеани луѓе, симпатично украсени излози на продавници, накитени канделабри, дрвја, паркови, улици. Испреплетено со ладниот воздух, веењето на снег, тркалањето снежни топки за снешко, шарите на прозорите наутро. Чајот, столната ламба, книгата, тивката божиќна компилација од музика пуштена да ја надополнува атмосферата во позадина. Трепелтивата светлина од миризливата свеќа, волнените капа, шал и ракавици. Сеќавањето на многуте честитки кои ги праќавме и добивавме, избирањето на истите по тезгите на плоштад. Китење на елката, отплеткувањето на сијаличките и нивната музика, бирањето на нови лампиони и украси во поранешен Смешко на Максим Горки. Санката на полјаната до зграда, пакетчињата под елка, плишаните новогодишни мечиња. Зимскиот распуст, игрите со снег, мавањето со топки снег по автобуси, лижењето мразулци кои висат од покриви и натстрешници.
И денес, бидејќи многу од ова фали, поради обврските кои ги…

Калиопи speaks English

Не се сметам себе за човек кој совршено зборува и разбира англиски, затоа што моето познавање е на ниво кое се стекнува по 8 години школско учење (на моја среќа со прекрасни професорки и основно и средно) и на гледање филмови и серии првично со англиски превод, а потоа сведени само на разбирање од слушање.
Ќе се провлечат и 3-4 книги прочитани на англиски и интензивно слушање на странска музика (ова последново може да е и помалку од небитен фактор, но ете, вреди да се спомне).
Реално мислам дека никогаш не сум ни имал потреба од посветување курс по англиски, а тоа си се докажува и со нивото на знаење кое го имам и е исто со оние кои завршиле и по 8 степени, пак ќе повторам благодарение на упорноста на професорките како во основно така и во средно.
Знам дека ја немаат сите таа среќа да имаат одлични професори, но имаат сите можност да посетат курс на кој ќе научат ако ништо друго бар употреба на двете најпрости времиња во англискиот, present simple и present continuous tense.
Ќе разбер…

Скопје и ноќниот живот

Не знам дали е до мене (не е!) или до градот наш насушен, ама постов ќе го почнам директно со потенцирање на неговата цел - НОЌНИОТ ЖИВОТ У ГРАДОВ Е СРАЊЕ!

Ако тргнете во петок вечер да излезете, без притоа да немате некаде резервација, шансите да најдете место се нула. Скопје е веројатно првиот град во светот каде се резервираат места на шанк. Од кога по ѓаволите шанкот е нешто што се резервира?! Као, ако е празно, застануваш пиеш и си идеш, ако не е само си идеш и тоа е тоа.

Вториот агол од кој можете да го разгледате нашиот ноќен живот е изборот на локали каде може да отидете. Не знам, 10 нека се преку сила. Години уназад се истите локали само шо на година дена менуваат име и лик, две недели има поразлична музика и концепт на забави и после тоа - сè по старо.

- Беше у тоа новото на плоштад? Многу е добро, се вика 'рендомиме'.
- Не беше тоа 'претходнорендомиме'?
- Па да ама се смени газдата и внатре малку ентериерот и сеа е многу кул место.
* исти фаци, иста музика, …