Skip to main content

Работи кои вредат

Жал ми е што сум еден од оние кои треба да видат како некој тагува кога ќе загуби нешто или пак и сам треба да загубам за да сфатам колку всушност се вредни работите кои ги имаме.
Многу пати сум бил незадоволен од животот кој го имам. Односно кога би се изразил малку посоодветно, неблагодарен е зборот кој најубаво ќе ме опише.
Додека се нервирам зошто го немам новиот Samsung GALAXY Note сосема заборавам дека телефонот кој го имам моментално не е ниту една година стар. Додека ги прежалувам кошулите во Paul&Shark од по некои 12 илјади не ни помислувам колку кошули ми седат дома во плакар само затоа што ме мрзи малку поубаво да видам што имам.
Не ни помислувам дека манџите на мајка ми кои никогаш не ги сакав, за оние кои немаат кој да им ги зготви се повкусни од сè останато на светов.
Седам во Црна Гора на плажа, 15ти ден по ред жалејќи што не сум во можност да отидам да се испечам на некоја плажа чии брегови се заплискувани од Атлански.
Баш поради последната помисла поради која се напнав дека патики си немам купено цели 3 и пол месеци, сфатив дека би било убаво да седнам, да ги нафрлам зборовиве кои ќе ме натераат да почнам малку повеќе да ги ценам работите кои ми се овозможени.
Всушност, немам веќе потреба да ја сменам тастатурава само пошо уште она е бела од цела компјутерска опрема шо ми е дома.

Popular posts from this blog

Предновогдишна еуфорија

Не е еуфорија.

Комбинација од спомени од семејна топлина, од убава атмосфера, насмеани луѓе, симпатично украсени излози на продавници, накитени канделабри, дрвја, паркови, улици. Испреплетено со ладниот воздух, веењето на снег, тркалањето снежни топки за снешко, шарите на прозорите наутро. Чајот, столната ламба, книгата, тивката божиќна компилација од музика пуштена да ја надополнува атмосферата во позадина. Трепелтивата светлина од миризливата свеќа, волнените капа, шал и ракавици. Сеќавањето на многуте честитки кои ги праќавме и добивавме, избирањето на истите по тезгите на плоштад. Китење на елката, отплеткувањето на сијаличките и нивната музика, бирањето на нови лампиони и украси во поранешен Смешко на Максим Горки. Санката на полјаната до зграда, пакетчињата под елка, плишаните новогодишни мечиња. Зимскиот распуст, игрите со снег, мавањето со топки снег по автобуси, лижењето мразулци кои висат од покриви и натстрешници.
И денес, бидејќи многу од ова фали, поради обврските кои ги…

Калиопи speaks English

Не се сметам себе за човек кој совршено зборува и разбира англиски, затоа што моето познавање е на ниво кое се стекнува по 8 години школско учење (на моја среќа со прекрасни професорки и основно и средно) и на гледање филмови и серии првично со англиски превод, а потоа сведени само на разбирање од слушање.
Ќе се провлечат и 3-4 книги прочитани на англиски и интензивно слушање на странска музика (ова последново може да е и помалку од небитен фактор, но ете, вреди да се спомне).
Реално мислам дека никогаш не сум ни имал потреба од посветување курс по англиски, а тоа си се докажува и со нивото на знаење кое го имам и е исто со оние кои завршиле и по 8 степени, пак ќе повторам благодарение на упорноста на професорките како во основно така и во средно.
Знам дека ја немаат сите таа среќа да имаат одлични професори, но имаат сите можност да посетат курс на кој ќе научат ако ништо друго бар употреба на двете најпрости времиња во англискиот, present simple и present continuous tense.
Ќе разбер…

Скопје и ноќниот живот

Не знам дали е до мене (не е!) или до градот наш насушен, ама постов ќе го почнам директно со потенцирање на неговата цел - НОЌНИОТ ЖИВОТ У ГРАДОВ Е СРАЊЕ!

Ако тргнете во петок вечер да излезете, без притоа да немате некаде резервација, шансите да најдете место се нула. Скопје е веројатно првиот град во светот каде се резервираат места на шанк. Од кога по ѓаволите шанкот е нешто што се резервира?! Као, ако е празно, застануваш пиеш и си идеш, ако не е само си идеш и тоа е тоа.

Вториот агол од кој можете да го разгледате нашиот ноќен живот е изборот на локали каде може да отидете. Не знам, 10 нека се преку сила. Години уназад се истите локали само шо на година дена менуваат име и лик, две недели има поразлична музика и концепт на забави и после тоа - сè по старо.

- Беше у тоа новото на плоштад? Многу е добро, се вика 'рендомиме'.
- Не беше тоа 'претходнорендомиме'?
- Па да ама се смени газдата и внатре малку ентериерот и сеа е многу кул место.
* исти фаци, иста музика, …