Skip to main content

Ме разочара

Сме го кажале, ни го кажале. Тек допрва уште повеќе и ќе го слушаме.
Што е всушност некој некого да разочара? Сте се запрашале ли што ви значи вам некој кога ве разочарува?

Јас, онака искрено, ретко се разочарувам од луѓето. Нели, за да ме разочара некој мене како прво треба да ми е некој од оној најтесниот круг на пријатели во кој не можете да го стајте секој познаник со кој сте си размениле некои муабети 2-3 пати tete-a-tete.
Дополнително, разочарување за мене предстатува нешто кое се коси со работите кои ти си ги поставил како твоја карактеристика пред мене. Нешто кое ја руши онаа слика која сам ја имаш изградено како личност во моите очи. Разочарување е она што ќе ми покаже дека довербата која сум ја имал во тебе била залудна и стекната на некој подмолен начин.
Од друга страна, она што секојдневно го гледам како пракса на повеќето е дека разочарувањето го карактеризираат како нешто кое вушност ја нарушува сликата која тие ја создале за тебе а истата не е во склад со тоа што ти го нудиш. Односно, нели, ги разочаруваш кога започнуваш малку поинтензивно да си тераш по свое, кога престануваш да ги исполнуваш нивните замисли за тоа како еден човек треба да функционира.
Разочаруваш други кога своето мислење го истакнуваш со еден повисок тон и на начин кој никако не влегува во границите на нивните убедувања.

До оние кои туку - така кажуваат на некого дека ги разочарал, размислете дали разочарувањето е негова вина или последица на вашата неможност да процените карактер на човек и до каде истиот може да се развива.

А до оние кои често слушаат дека разочарале некого - оставете ги работите онака како што се, сè до оној момент додека сте сигурни во себе дека го правите правилното за себе и дека живеете и дејствувате онака како што вие мислите дека е најсоодветно.

И, разочарав некој со постов?


Popular posts from this blog

Скопје и ноќниот живот

Не знам дали е до мене (не е!) или до градот наш насушен, ама постов ќе го почнам директно со потенцирање на неговата цел - НОЌНИОТ ЖИВОТ У ГРАДОВ Е СРАЊЕ!

Ако тргнете во петок вечер да излезете, без притоа да немате некаде резервација, шансите да најдете место се нула. Скопје е веројатно првиот град во светот каде се резервираат места на шанк. Од кога по ѓаволите шанкот е нешто што се резервира?! Као, ако е празно, застануваш пиеш и си идеш, ако не е само си идеш и тоа е тоа.

Вториот агол од кој можете да го разгледате нашиот ноќен живот е изборот на локали каде може да отидете. Не знам, 10 нека се преку сила. Години уназад се истите локали само шо на година дена менуваат име и лик, две недели има поразлична музика и концепт на забави и после тоа - сè по старо.

- Беше у тоа новото на плоштад? Многу е добро, се вика 'рендомиме'.
- Не беше тоа 'претходнорендомиме'?
- Па да ама се смени газдата и внатре малку ентериерот и сеа е многу кул место.
* исти фаци, иста музика, …

Култура

Доволно е да излезете до маалската продавница, не мора подалеку да отидете, за да забележите шо народ сме и колку многу ни фали за да можеме да кажеме дека сме современо општество.
Одиш накај маркет и пред да влезеш забележуваш дека рандом чоек број 1 не задржува врата на рандом чоек број 2 натоварен со кеси.
Влагаш у маркет, на сред пат застанала госпоЖа со натапирана фризура, бордно кармин, тегет комплетче и збори на телефон за шо ѝ треба дома расчепатена со газот на едниот крај од патот а со количката на другиот. Те гледа дека пробуваш да поминеш, и не, не се трга. Ќе и се измести колкот најверојатно.
Стигаш на каса и ооооп рандом чоек број 3 те потепува за да застане пред тебе пошо нели он има само цигари да земе а и се брза, пошо ти си најслободниот чоек на цел свет и времето секогаш е во твоја корист.
Дополнително на каса, ако не ѝ се погодил денот на касиерката ти го џитка кусурот низ цел маркет па ти иди собирај ги 50те денари што ти ги вратила во форма денарче и две денарчиња…

Баланс меѓу друштво и врска

Имав еден благ излив на напетост вчера вечер кој резултираше со неколку последователни твитови, доста поучни, секојдневни и невидено саркастични. Ќе направам еден мал пост од нив кој се надевам некако ќе допре до луѓето кои се на почеток во нова врска и кои не знаат како треба да си ги избалансираат односите со луѓето.
 Еве ги правилата за другарство и врска:

Правило за другарство и врска број 1: Сè шо ќе напрајш муабет со другарите пренеси му на дечко ти, пошо он треба да ти го испере мозочето
— Објавувачот (@Publishermkd) November 3, 2013

Правило за другарство и врска број 2: Дечкото е секогаш побитен од сите поминати моменти со другарите, така да, screw them
— Објавувачот (@Publishermkd) November 3, 2013

Правило за другарство и врска број 3: Совет од другар не се прифаќа. Он те знае само повеќе од 2 години и не знае шо е добро за тебе
— Објавувачот (@Publishermkd) November 3, 2013

Правило за другарство и врска број 4: Совет од дечко е ултиматум пошо он иако те знае само 3 месеци, т…