Skip to main content

Кој сум јас?

Ставаш еден бел лист пред тебе и почнуваш да нафрлуваш реченици кои ќе дадат одговор на прашањето 'Кој сум јас?'. И онака на прв поглед си викаш дека нема полесно од тоа да се опишеш себе во неколку кратки искази, но со секој нареден исказ сфаќаш дека одговорите стануваат сè подлабоки и поискрени, највеќе пред себе а потоа и пред другите. А тие сами се редат. Ниту ќе ти треба време да размислиш, ниту да проанализираш нешто кај себе. Едноставно, внатре, длабоко во себе, свесен си што сè те прави да си ТИ само треба поттик сето тоа да излезе на површина испишано или со мастилото од пенкалото или со карактери на некој блог кој ти е издувен вентил за емоциите.

1. Јас сум човек кој обожава да пие кафе.
2. Јас сум личност која ги мрази утрата.
3. Јас сум човек кој има големи желби но не доволно голема храброст за нивна целокупна реализација.
4. Јас сум човек кој е постојано насмеан, дури и кога ми е тешко, само за да на другите околу им биде попријатно во моја близина.
5. Јас сум личност која си го сака семејството но често, во дадени ситуации посакува бар на момент да биде далеку од сите нив.
6. Јас сум човек кој не верува дека луѓето се менуваат, туку само се прилагодуваат.
7. Јас сум човек кој иако се труди да биде поразличен, често се претопува во монотонијата на околината.
8. Јас сум личност која сака да види промени и да биде дел од нив.
9. Јас сум човек кој не верува во давањето на втора шанса на секого.
10. Јас сум човек кој знае што сака од животот но се плаши да преземе големи чекори кон реализација на целта.
11. Јас сум човек кој е добар слушател за проблемите на блиските.
12. Јас сум човек кој мрази skin contact со луѓето иако ги сакам луѓето.
13. Јас сум човек кој често знае да се погледне во огледало, да си се насмевне на самодовербата и реализираноста, но сепак да пронајде и една мала ронка на тага во погледот.
14. Јас сум некој кој верува дека луѓето можат да бидат добри.
15. Јас сум од оние кои сè помалку имаат толеранција за лицемерие и лаги.
16. Јас сум личност која сака да ги гледа блиските насмеани и ќе направи сè за тоа да е така.
17. Јас сум човек кој ужива во музиката.
18. Јас сум човек кој верува дека за секој проблем постои по најмалку едно решение, како што и за секое решение постои по најмалку една компликација.
19. Јас сум човек кој верува во искрена љубов и пријателство.
20. Јас сум човек кој верува во бајки, легенди и преданија затоа што тоа ми го прави светот поубаво место и ми дава надеж дека сепак постои нешто и над нашата способност за перцепција.
21. Јас сум она што верував дека карактерно еден ден ќе станам. Или бар сум на ебено добар пат да станам личноста која отсекогаш се надевав дека ќе станам.

И сега кога си ги препрочитав исказиве добив желба да си направам кафе, да пуштам музика и да си се смеам на самоанализата која навидум е проста но бара да вложиш навистина голема искреност пред себе и која ќе ти помогне да се чувствуваш поубаво следен пат кога ќе се запрашаш 'Каков човек сум јас?'.
Велат, будалиот памти а паметниот запишува. Затоа ќе си ги чувам ова за секој пат кога ќе се изгубам да имам еден краток туторијал кој ќе ме потсети и насочи кон тоа кој сум јас и како функционирам во средината во која се наоѓам. Затоа што нели, луѓето не се менуваат.

Popular posts from this blog

Предновогдишна еуфорија

Не е еуфорија.

Комбинација од спомени од семејна топлина, од убава атмосфера, насмеани луѓе, симпатично украсени излози на продавници, накитени канделабри, дрвја, паркови, улици. Испреплетено со ладниот воздух, веењето на снег, тркалањето снежни топки за снешко, шарите на прозорите наутро. Чајот, столната ламба, книгата, тивката божиќна компилација од музика пуштена да ја надополнува атмосферата во позадина. Трепелтивата светлина од миризливата свеќа, волнените капа, шал и ракавици. Сеќавањето на многуте честитки кои ги праќавме и добивавме, избирањето на истите по тезгите на плоштад. Китење на елката, отплеткувањето на сијаличките и нивната музика, бирањето на нови лампиони и украси во поранешен Смешко на Максим Горки. Санката на полјаната до зграда, пакетчињата под елка, плишаните новогодишни мечиња. Зимскиот распуст, игрите со снег, мавањето со топки снег по автобуси, лижењето мразулци кои висат од покриви и натстрешници.
И денес, бидејќи многу од ова фали, поради обврските кои ги…

Калиопи speaks English

Не се сметам себе за човек кој совршено зборува и разбира англиски, затоа што моето познавање е на ниво кое се стекнува по 8 години школско учење (на моја среќа со прекрасни професорки и основно и средно) и на гледање филмови и серии првично со англиски превод, а потоа сведени само на разбирање од слушање.
Ќе се провлечат и 3-4 книги прочитани на англиски и интензивно слушање на странска музика (ова последново може да е и помалку од небитен фактор, но ете, вреди да се спомне).
Реално мислам дека никогаш не сум ни имал потреба од посветување курс по англиски, а тоа си се докажува и со нивото на знаење кое го имам и е исто со оние кои завршиле и по 8 степени, пак ќе повторам благодарение на упорноста на професорките како во основно така и во средно.
Знам дека ја немаат сите таа среќа да имаат одлични професори, но имаат сите можност да посетат курс на кој ќе научат ако ништо друго бар употреба на двете најпрости времиња во англискиот, present simple и present continuous tense.
Ќе разбер…

Скопје и ноќниот живот

Не знам дали е до мене (не е!) или до градот наш насушен, ама постов ќе го почнам директно со потенцирање на неговата цел - НОЌНИОТ ЖИВОТ У ГРАДОВ Е СРАЊЕ!

Ако тргнете во петок вечер да излезете, без притоа да немате некаде резервација, шансите да најдете место се нула. Скопје е веројатно првиот град во светот каде се резервираат места на шанк. Од кога по ѓаволите шанкот е нешто што се резервира?! Као, ако е празно, застануваш пиеш и си идеш, ако не е само си идеш и тоа е тоа.

Вториот агол од кој можете да го разгледате нашиот ноќен живот е изборот на локали каде може да отидете. Не знам, 10 нека се преку сила. Години уназад се истите локали само шо на година дена менуваат име и лик, две недели има поразлична музика и концепт на забави и после тоа - сè по старо.

- Беше у тоа новото на плоштад? Многу е добро, се вика 'рендомиме'.
- Не беше тоа 'претходнорендомиме'?
- Па да ама се смени газдата и внатре малку ентериерот и сеа е многу кул место.
* исти фаци, иста музика, …