Skip to main content

#твитеркалендар 2014

Се изначитав сè и сешто за овогодинешниот твитер календар. Може да пратев каква е ситуацијата лани ќе го видев истово како и оваа година, но ќе пишувам само за актуелниов календар.
Почна од обична идеја, за продолжување на минатогодишната акција и проширување кон една малку поинаква област.
Јас бев еден од оние кои се пријавија и се сметав себе за човек со огромна храброст. Бевме на состанок на кој се поставија основните идеи, се презентираше малку подетално замислата и се правеа некои почетни планови со секој од пријавените за тоа како би изгледал крајниот продукт. И да, до некаде сте во право дека соблекување во 21 век не е револуција, но тоа е доколку гледате во светски рамки. Ама ако ја земете површинава од 25.713 километри квадратни, додадете Македонци, Албанци, Турци, Роми, Босанци, Срби и останати присутни етнички групи, па ова го засолите со нивните сфаќања кои се соодветни за 20ти век, ќе добиете една средина каде покажувањето на голо тело сè уште е табу тема и нешто што шокира и запрепастува.
Да се вратам на почетната поента.
Кога разговарав дома со моите за календаров и им кажав што сè подразбира учеството во акцијата, строго се противеа, ми изнакажаа милион работи кои се последица на нивните сфаќања и јас откако го земав предвид и нивното мислење сфатив дека всушност и ја немам баш таа храброст да се соблечам гол пред пошироката јавност во државава, каде сечиј чекор е проследен со рекла - казала муабети. И мене не ми е срам да признаам дека немав доволно храброст, не ми е срам да кажам дека за ова не одлучив да одам против мислењето на домашните. Ама не се ни дрзнувам да ги нападнам оние на кои ова не им било никаков проблем.
Од овој аспект можам само да потврдам дека за сликањево е сериозно потребна голема решителност и храброст. Нека биде тоа и потреба од себепромоција со која поединци мислат дека така би станале попознати, поценети или поприфатени. Нека биде тоа и последица од желбата да се направи општеството послободоумно во аспект на уметноста, голотијата и прифаќањето на она што се крие под парчињата облека. Едноставно, добра идеја, со реализација која тешко поминува, пошо нели, Македонија.
Ете може и мене не ми се допаѓа во целост како излезе крајниот продукт. Може не сакам курови и цицки да се промовираат за да се подигне свеста кај граѓаните. Може сметам дека е превулгарно особено затоа што денес секој човек има пристап до интернет, дури и мали деца кои не се баш запознаени со анатомијата на човекот и кој дел за што точно се користи (#хехе).
Ама па од друга страна, сексуалното самозадоволување нема да ви биде толку интересно ако треба да замислите наместо да пуштите порнич и да глеате курови, цицки и пички во акција. Така да, и не треба баш светци да се правиме сега околу целата nudity атмосфера на календарот.
Секогаш имало и ќе има поделени мислења. Секогаш ќе се најдат ЗА и ПРОТИВ ставови. Вкусот е индивидуална работа. Но ниски и навредливи коментари, омаловажувања, посочувања со прст и исмејувања, не ве прават чекор понапред. Исто како што не се чекор понапред ни луѓево со идејата и реализацијата. Пошо читам дека ги нарекувате 'самонаречени авангардисти, интелектуалци и елитисти'.
Едноставно, прашање на интереси е. Вие повеќе се интересирате за на Станија цицките, сликаниве за со своето голо тело да дадат придонес во подигање на сексуалната свест на граѓаните. А нè има и такви кои на ова ќе кажеме 'Јас не би, но браво за вас', пошо на крај они се тие кои се соблечени а не јас или вие.

До наредниот #твитеркалендар, одјава од темава.
@Publishermkd

Popular posts from this blog

Предновогдишна еуфорија

Не е еуфорија.

Комбинација од спомени од семејна топлина, од убава атмосфера, насмеани луѓе, симпатично украсени излози на продавници, накитени канделабри, дрвја, паркови, улици. Испреплетено со ладниот воздух, веењето на снег, тркалањето снежни топки за снешко, шарите на прозорите наутро. Чајот, столната ламба, книгата, тивката божиќна компилација од музика пуштена да ја надополнува атмосферата во позадина. Трепелтивата светлина од миризливата свеќа, волнените капа, шал и ракавици. Сеќавањето на многуте честитки кои ги праќавме и добивавме, избирањето на истите по тезгите на плоштад. Китење на елката, отплеткувањето на сијаличките и нивната музика, бирањето на нови лампиони и украси во поранешен Смешко на Максим Горки. Санката на полјаната до зграда, пакетчињата под елка, плишаните новогодишни мечиња. Зимскиот распуст, игрите со снег, мавањето со топки снег по автобуси, лижењето мразулци кои висат од покриви и натстрешници.
И денес, бидејќи многу од ова фали, поради обврските кои ги…

Калиопи speaks English

Не се сметам себе за човек кој совршено зборува и разбира англиски, затоа што моето познавање е на ниво кое се стекнува по 8 години школско учење (на моја среќа со прекрасни професорки и основно и средно) и на гледање филмови и серии првично со англиски превод, а потоа сведени само на разбирање од слушање.
Ќе се провлечат и 3-4 книги прочитани на англиски и интензивно слушање на странска музика (ова последново може да е и помалку од небитен фактор, но ете, вреди да се спомне).
Реално мислам дека никогаш не сум ни имал потреба од посветување курс по англиски, а тоа си се докажува и со нивото на знаење кое го имам и е исто со оние кои завршиле и по 8 степени, пак ќе повторам благодарение на упорноста на професорките како во основно така и во средно.
Знам дека ја немаат сите таа среќа да имаат одлични професори, но имаат сите можност да посетат курс на кој ќе научат ако ништо друго бар употреба на двете најпрости времиња во англискиот, present simple и present continuous tense.
Ќе разбер…

Скопје и ноќниот живот

Не знам дали е до мене (не е!) или до градот наш насушен, ама постов ќе го почнам директно со потенцирање на неговата цел - НОЌНИОТ ЖИВОТ У ГРАДОВ Е СРАЊЕ!

Ако тргнете во петок вечер да излезете, без притоа да немате некаде резервација, шансите да најдете место се нула. Скопје е веројатно првиот град во светот каде се резервираат места на шанк. Од кога по ѓаволите шанкот е нешто што се резервира?! Као, ако е празно, застануваш пиеш и си идеш, ако не е само си идеш и тоа е тоа.

Вториот агол од кој можете да го разгледате нашиот ноќен живот е изборот на локали каде може да отидете. Не знам, 10 нека се преку сила. Години уназад се истите локали само шо на година дена менуваат име и лик, две недели има поразлична музика и концепт на забави и после тоа - сè по старо.

- Беше у тоа новото на плоштад? Многу е добро, се вика 'рендомиме'.
- Не беше тоа 'претходнорендомиме'?
- Па да ама се смени газдата и внатре малку ентериерот и сеа е многу кул место.
* исти фаци, иста музика, …