Skip to main content

Кога пријателството ќе стивне

Можеби кога знаете дека имате блиски луѓе не треба да си играте само за да ја истестирате јачината на врската која ве држи заедно.
Можеби кога поврзаноста е доволно силна со некого, не треба тој некој да го ставите на hold во име на good old times и да се свртите према барање на нови пријателства.
Можеби ако сте свесни за вредноста на едно вистинско пријателство ќе знаете дека слабата комуникација доведува до разнишување на стабилноста.
Ако погледнете малку околу вас може и ќе станете свесни како ги оттурнувате од себе луѓето за кои сте тврделе дека ви се сè во животот. 
Можеби ако научите да слушате и да прифаќате дека некогаш сте и вие криви, нема да создавате одбивност кај оние кои ви укажуваат на тоа само затоа што им значи вашето пријателство.
Нормално е едниот секогаш повеќе да дава од другиот. Нормално е во различни периоди секој од вас различно да се вложи во врската. Ама не значи дека ако на некој му е навистина до вашето пријателство дека тој ќе треба да се преврти наопаку, да се намести на трепки и да го изигра Тешкото само затоа што вие сметате дека на постоечките односи не им се потребни дополнителни зацрвстувања. 
Доцна ќе биде кога ќе сфатите дека сте направиле грешен избор за верување на погрешните луѓе. Доцна ќе биде тогаш да се присетите на она што сте го имале со оние кои сте ги оттурнале од себе. Тотално неефективно ќе биде потоа да се обидувате да ги вратите назад со муабети од типот на: 
Не знам што се случи меѓу нас.
Зошто вака испадна?
Не требаше да го дозволиме ова. Двајцата сме виновни.
Нормално е дека нема да знаете што се случило. Нормално е дека нема да знаете ни зошто се тие последици. Нормално е дека во тој момент ќе го обвините и оној кој правел сè за да ја одржи вашата врска во нормала.
Тоа е грижа на совест. Тоа е оној момент кога сфаќате дека сте ја направиле погрешната одлука. Моментот кога ќе сфатите дека довербата која сте ја положиле во 'новите' пријателства на сметка на старите и вистинските е наполно пропадната. Ќе сфатите дека проблемот не е во тоа да имате нови пријателства, туку во неспособноста да ги балансирате и оние кои веќе се тука, до вас. Човек е најочаен кога е сам. А кога е очаен и исплашен, како и давеникот, ќе се фати за последната сламка. Тоа ќе ве остави заробени во лажните пријателства дури спомените на вистинските и искрените ве болат и ве печат како сол на рана.

Popular posts from this blog

Скопје и ноќниот живот

Не знам дали е до мене (не е!) или до градот наш насушен, ама постов ќе го почнам директно со потенцирање на неговата цел - НОЌНИОТ ЖИВОТ У ГРАДОВ Е СРАЊЕ!

Ако тргнете во петок вечер да излезете, без притоа да немате некаде резервација, шансите да најдете место се нула. Скопје е веројатно првиот град во светот каде се резервираат места на шанк. Од кога по ѓаволите шанкот е нешто што се резервира?! Као, ако е празно, застануваш пиеш и си идеш, ако не е само си идеш и тоа е тоа.

Вториот агол од кој можете да го разгледате нашиот ноќен живот е изборот на локали каде може да отидете. Не знам, 10 нека се преку сила. Години уназад се истите локали само шо на година дена менуваат име и лик, две недели има поразлична музика и концепт на забави и после тоа - сè по старо.

- Беше у тоа новото на плоштад? Многу е добро, се вика 'рендомиме'.
- Не беше тоа 'претходнорендомиме'?
- Па да ама се смени газдата и внатре малку ентериерот и сеа е многу кул место.
* исти фаци, иста музика, …

Култура

Доволно е да излезете до маалската продавница, не мора подалеку да отидете, за да забележите шо народ сме и колку многу ни фали за да можеме да кажеме дека сме современо општество.
Одиш накај маркет и пред да влезеш забележуваш дека рандом чоек број 1 не задржува врата на рандом чоек број 2 натоварен со кеси.
Влагаш у маркет, на сред пат застанала госпоЖа со натапирана фризура, бордно кармин, тегет комплетче и збори на телефон за шо ѝ треба дома расчепатена со газот на едниот крај од патот а со количката на другиот. Те гледа дека пробуваш да поминеш, и не, не се трга. Ќе и се измести колкот најверојатно.
Стигаш на каса и ооооп рандом чоек број 3 те потепува за да застане пред тебе пошо нели он има само цигари да земе а и се брза, пошо ти си најслободниот чоек на цел свет и времето секогаш е во твоја корист.
Дополнително на каса, ако не ѝ се погодил денот на касиерката ти го џитка кусурот низ цел маркет па ти иди собирај ги 50те денари што ти ги вратила во форма денарче и две денарчиња…

Баланс меѓу друштво и врска

Имав еден благ излив на напетост вчера вечер кој резултираше со неколку последователни твитови, доста поучни, секојдневни и невидено саркастични. Ќе направам еден мал пост од нив кој се надевам некако ќе допре до луѓето кои се на почеток во нова врска и кои не знаат како треба да си ги избалансираат односите со луѓето.
 Еве ги правилата за другарство и врска:

Правило за другарство и врска број 1: Сè шо ќе напрајш муабет со другарите пренеси му на дечко ти, пошо он треба да ти го испере мозочето
— Објавувачот (@Publishermkd) November 3, 2013

Правило за другарство и врска број 2: Дечкото е секогаш побитен од сите поминати моменти со другарите, така да, screw them
— Објавувачот (@Publishermkd) November 3, 2013

Правило за другарство и врска број 3: Совет од другар не се прифаќа. Он те знае само повеќе од 2 години и не знае шо е добро за тебе
— Објавувачот (@Publishermkd) November 3, 2013

Правило за другарство и врска број 4: Совет од дечко е ултиматум пошо он иако те знае само 3 месеци, т…