За некоја година може и ќе бидам некаде надвор. Ќе се будам секое сабајле за да ги завршам обврските, по пат ќе застанувам да си земам coffee to go пошо денот без тоа не може да почне и на враќање ќе купувам bagels и некои мали чоколатца за да уживам во третото кафе ко ќе се вратам дома. Ќе седам покрај балконските врати во есен и зима гледајќи како снегот и дождот обезличуваат сè наоколу за на крај да ја измоделираат околината во сцена од бајка. Ќе пијам кафе на балконот во пролет и лето дури го осеќам мирисот на будењето на природата и топлината од асфалтот кој навечер ќе се лади од пеколните сончеви зраци кои го гореле преку денот. Ќе слушам тивок џез во петок навечер и ќе си долевам водка или вино за да го добијам она чувство на лежерност како да немам ниту еден проблем и како сè околу мене да постои само за мене. Во сабота наутро ќе се будам со слаб мамурлак од претходната вечер. Со пола око ќе си правам турско (во случајов читајте македонско) кафе, за да си се присетувам и на убавините од родната земја. Ќе излезам попладнето да прошетам низ некој парк за да се освежам, да се раздвижам и да ги видам луѓето како си го живеат животот безгрижно. Ќе се насмевнам на младите парови кои ќе седат во тревата и ќе си искажуваат љубов. Ќе се израдувам на смеата на малите дечиња кои ќе се препелкаат со своите родители или миленичиња. Ќе се восхитувам на стаклената површина на езерцето која од време на време ќе биде разбранувана од грациозното пливање на неколкуте лебеди. Вечерта ќе седнам на удобниот кауч во дневната, ќе пуштам некој филм или документарец и полека, неосетно ќе потонам во сон. Во недела пола ден ќе го поминам во пижами кои ќе ги облечам откако ќе се разбудам затоа што сум заспал со облека на каучот. Ќе се префрлам во кревет и ќе изигравам неподвижен кит насукан на плажа. Попладнето ќе станам, ќе зготвам некоја брза вечера, ќе ставам чаша вино за да го надополнам уживањето и ќе пуштам тивка класична музика да го обои воздухот во трпезаријата. Вечерта ќе ме фати паника дека од наредното сабајле почнуваат пак раните станувања, обврските и секојдневната рутина.
Ама ќе ми биде убаво. Зошто за сето ова и ти ќе си до мене.
Заедно ќе одиме да земеме coffee to go од каде секој ќе се упати во својата насока. Ќе се враќам дома и ќе те радувам со bagels-от и чоколатцата. Ќе се гушкаме пред балконските врати во есен и зима, ќе си правиме друштво на балконот во пролет и лето.
Ќе ги дополнувам чашите дури ја попушташ музиката во петок навечер. Сабота наутро ќе се будам со мамурлак, но до тебе. Ќе станувам за да направам кафе за двајцата за да се расониме од мирисот и всушност на прошетката низ паркот нема да се радувам на тоа шо ќе го гледам таму туку на тоа шо го имам до мене. Вечерта, ќе заспиваме испреплетени на каучот и во недела сабајлето ќе се будиме меѓусебно за да се преместиме во кревет каде ќе го дотрошиме денот тотално бесцелно. И дури јас ја правам вечерата ти ќе седиш до мене и ќе ми сугерираш што и како треба и не треба да правам за да можеме онака слатко да се поткараме.
Ама ќе ми биде убаво. Зошто за сето ова и ти ќе си до мене.
Заедно ќе одиме да земеме coffee to go од каде секој ќе се упати во својата насока. Ќе се враќам дома и ќе те радувам со bagels-от и чоколатцата. Ќе се гушкаме пред балконските врати во есен и зима, ќе си правиме друштво на балконот во пролет и лето.
Ќе ги дополнувам чашите дури ја попушташ музиката во петок навечер. Сабота наутро ќе се будам со мамурлак, но до тебе. Ќе станувам за да направам кафе за двајцата за да се расониме од мирисот и всушност на прошетката низ паркот нема да се радувам на тоа шо ќе го гледам таму туку на тоа шо го имам до мене. Вечерта, ќе заспиваме испреплетени на каучот и во недела сабајлето ќе се будиме меѓусебно за да се преместиме во кревет каде ќе го дотрошиме денот тотално бесцелно. И дури јас ја правам вечерата ти ќе седиш до мене и ќе ми сугерираш што и како треба и не треба да правам за да можеме онака слатко да се поткараме.