Skip to main content

Стоп. Каде понатаму?

Едни жени хејтаат други пошо не биле доволно женствени, излагале со патики, оделе без шминка, се носеле секаде покежуал. Другиве па хејтаат штикла, шминка, префинет вкус на облекување. Една група фура филм дека да си курва и кучка е фенси и кул - друга, светици за во манастир.
Едни мажи хејтаат други кои не гледаат спорт. Не биле мажи тоа, жени биле заробени у машко тело. Други ги хејтаат овие првите шо од спорт подалеку не виделе.
Има и такви шо на жена гледаат само како на појава во која можеш да си го пикнеш курот. Од жените па има такви шо мажот го замислуваат како потчинето суштество кое е вечно зависно од нивниот пол.
Твитерџии хејтаат други твитерџии пошо твитале досетки место да оправаат држава. Вториве се напињаат шо некој се замара со нив и си тераат свој филм дека твитер е место за заебанција.
Сите генерално мразат чекирање на фејсбук и ставање цели албуми од едно искачање. А сите порано имале по 11 алубми од еден викенд само сега им се со опција Only Me за да можат да ја тролаат широката маса.
Турбофолк е лош стил на музика. Само алтернатив вреди и нешо рокче а у. Комерцијала е срање. Сите се у фазон за вкус не се дискутира а те вреѓаат бре очи ти вадат со вруќо лажиче ако немате исто мислење.


Каде отидовме бе? Зборуваме за слободата на избор, говор, мисла а ги осудуваме сите кои не влегуваат во нашата замисла за човек.
Не се они криви за тоа, не се они аномалија. Нас свеста ни е ограничена. А ограничена свест се едначи со големо его и самопрогласување за дел од непостоечката супериорна раса.

Popular posts from this blog

Предновогдишна еуфорија

Не е еуфорија.

Комбинација од спомени од семејна топлина, од убава атмосфера, насмеани луѓе, симпатично украсени излози на продавници, накитени канделабри, дрвја, паркови, улици. Испреплетено со ладниот воздух, веењето на снег, тркалањето снежни топки за снешко, шарите на прозорите наутро. Чајот, столната ламба, книгата, тивката божиќна компилација од музика пуштена да ја надополнува атмосферата во позадина. Трепелтивата светлина од миризливата свеќа, волнените капа, шал и ракавици. Сеќавањето на многуте честитки кои ги праќавме и добивавме, избирањето на истите по тезгите на плоштад. Китење на елката, отплеткувањето на сијаличките и нивната музика, бирањето на нови лампиони и украси во поранешен Смешко на Максим Горки. Санката на полјаната до зграда, пакетчињата под елка, плишаните новогодишни мечиња. Зимскиот распуст, игрите со снег, мавањето со топки снег по автобуси, лижењето мразулци кои висат од покриви и натстрешници.
И денес, бидејќи многу од ова фали, поради обврските кои ги…

Скопје и ноќниот живот

Не знам дали е до мене (не е!) или до градот наш насушен, ама постов ќе го почнам директно со потенцирање на неговата цел - НОЌНИОТ ЖИВОТ У ГРАДОВ Е СРАЊЕ!

Ако тргнете во петок вечер да излезете, без притоа да немате некаде резервација, шансите да најдете место се нула. Скопје е веројатно првиот град во светот каде се резервираат места на шанк. Од кога по ѓаволите шанкот е нешто што се резервира?! Као, ако е празно, застануваш пиеш и си идеш, ако не е само си идеш и тоа е тоа.

Вториот агол од кој можете да го разгледате нашиот ноќен живот е изборот на локали каде може да отидете. Не знам, 10 нека се преку сила. Години уназад се истите локали само шо на година дена менуваат име и лик, две недели има поразлична музика и концепт на забави и после тоа - сè по старо.

- Беше у тоа новото на плоштад? Многу е добро, се вика 'рендомиме'.
- Не беше тоа 'претходнорендомиме'?
- Па да ама се смени газдата и внатре малку ентериерот и сеа е многу кул место.
* исти фаци, иста музика, …

Македонските јавни лица и терминологијата

Во моменти кога се потпишува петиција за подобри услови за децата со посебни потреби, кога народот почнува да размислува малку повеќе за сите групи на граѓани кои се дел од ова општество и појавува желба да помогне во подобрување на положбата во општеството на истите, се соочуваме со појава на група на поединци (во случајов политички аналитичар) кои мавтајќи со своите дипломи и титули (поради кои очекуваме дека ќе се начитани и ќе имаат тро побогат речник за употреба, а и самите богами така се поставуваат) без никакво размислување, за опишување на негативна карактеристика на поединец користат терминологија поврзана со една од состојбите на децата кои спаѓаат во онаа група за која се потпишува петицијата. Не знам кој е Петар Арсовски, и искрено не ме ни интересира да дознаам, ама тој Петар Арсовски кога веќе се нарекува политички аналитичар, чие мислење се очекува да има некаква тежина, не смее да си дозволи дури ни во момент на афектна состојба да изјави нешто како она на сликата подо…