Skip to main content

Традицијата и празниците

Неколку години по ред како читам заебанции на тема празников. Не само овој, туку сите празници на кои луѓето се собираат по дома и учевствуваат во некаков 'ритуал'.

Суеверија, паганство, глупости и смешки се само дел од работите кои ги читам од сè повеќе луѓе. Смешни сме биле. Глупаво било да објаснуваш на странци зошто палиме оган и играме ора и се веселиме. Смешно било да објаснуваш на странец шо е Водици и како не работиме тој ден за да се фрлаат луѓе у вода по крст и така натаму. Долга е листата и на други празници и заебанции кои во текот на целата година ги пишуваат луѓе де од што немаат шо да праат, де од шо сакаат да бидат смешни, интересни, поблиски до западната цивилизација и што ти уште не.

Да се разбереме мили мои. Ако прва и основна причина зошто не славите некој празник ви е пошо сте атеисти, со вас муабетот застанува тука. Атеист едноставно не верува. Нема зошто како атеисти да се исмејувате со туѓите избори во однос на религијата/традицијата.

Другиве, шо сте у фазон дека тоа е сè пагански обичај, дека е смешно и глупаво, имам само да ви кажам дека морате малку повеќе да се посветите на тоа да си ја запознаете историјата на народот. Да видите шо значење има секој од ритуалите, секоја паганска навика. Не давајте толку отпор на тоа шо сте македонци, имате многу да запознаете и со тоа да засакате голем дел од сè она шо сега ви изгледа смешно и бесмислено. 

За крај, сакам едно да ви е јасно. Без разлика шо сте и со какви убедувања живеете, празнициве гледајте ги како момент кога се собирате со набјлиските, со оние кои ги сакате и со оние кои ви значат сè. Трчајќи по оној привиден убав живот кој го има на запад, губиме од навиката да поминуваме време со оние кои се тука во секој момент за нас. Со оние кои дале сè што имале за вие да сте денес тоа што сте. Искористете ги празнициве за да ја осетите топлината на семејството, на пријателите и на партнерите. Не мора да практикувате одења во црква, пеење погачи, печници, вина, палење свеќи и сè што е дел од секој празник. Ама воздржете се од бедни исмејувања. Наместо тоа, седнете на маса со најблиските, макар и еден човек да е тоа. Споделете малку љубов, малку насмевки колку и да се краткотрајни и само за тој момент. Значат и ве греат. 
Не заборавајте да бидете човечни. Немојте да мислите дека е смешно да бидете блиски и да посветувате време за да одржите хармонија. 

Еве ви една споредба со Кина. Земјата е главна економска сила во светот, сè зависи од неа, а нема народ на планетава што повеќе си ја цени традицијата. Одат двете работи заедно. Немојте да мислите дека во современиот свет нема место за негување на она што е останато од нашите предци. 

Имајте убави и весели празници и носете насмевки на лицето и љуов во срцата.

За многу години.

Popular posts from this blog

Скопје и ноќниот живот

Не знам дали е до мене (не е!) или до градот наш насушен, ама постов ќе го почнам директно со потенцирање на неговата цел - НОЌНИОТ ЖИВОТ У ГРАДОВ Е СРАЊЕ!

Ако тргнете во петок вечер да излезете, без притоа да немате некаде резервација, шансите да најдете место се нула. Скопје е веројатно првиот град во светот каде се резервираат места на шанк. Од кога по ѓаволите шанкот е нешто што се резервира?! Као, ако е празно, застануваш пиеш и си идеш, ако не е само си идеш и тоа е тоа.

Вториот агол од кој можете да го разгледате нашиот ноќен живот е изборот на локали каде може да отидете. Не знам, 10 нека се преку сила. Години уназад се истите локали само шо на година дена менуваат име и лик, две недели има поразлична музика и концепт на забави и после тоа - сè по старо.

- Беше у тоа новото на плоштад? Многу е добро, се вика 'рендомиме'.
- Не беше тоа 'претходнорендомиме'?
- Па да ама се смени газдата и внатре малку ентериерот и сеа е многу кул место.
* исти фаци, иста музика, …

Култура

Доволно е да излезете до маалската продавница, не мора подалеку да отидете, за да забележите шо народ сме и колку многу ни фали за да можеме да кажеме дека сме современо општество.
Одиш накај маркет и пред да влезеш забележуваш дека рандом чоек број 1 не задржува врата на рандом чоек број 2 натоварен со кеси.
Влагаш у маркет, на сред пат застанала госпоЖа со натапирана фризура, бордно кармин, тегет комплетче и збори на телефон за шо ѝ треба дома расчепатена со газот на едниот крај од патот а со количката на другиот. Те гледа дека пробуваш да поминеш, и не, не се трга. Ќе и се измести колкот најверојатно.
Стигаш на каса и ооооп рандом чоек број 3 те потепува за да застане пред тебе пошо нели он има само цигари да земе а и се брза, пошо ти си најслободниот чоек на цел свет и времето секогаш е во твоја корист.
Дополнително на каса, ако не ѝ се погодил денот на касиерката ти го џитка кусурот низ цел маркет па ти иди собирај ги 50те денари што ти ги вратила во форма денарче и две денарчиња…

Баланс меѓу друштво и врска

Имав еден благ излив на напетост вчера вечер кој резултираше со неколку последователни твитови, доста поучни, секојдневни и невидено саркастични. Ќе направам еден мал пост од нив кој се надевам некако ќе допре до луѓето кои се на почеток во нова врска и кои не знаат како треба да си ги избалансираат односите со луѓето.
 Еве ги правилата за другарство и врска:

Правило за другарство и врска број 1: Сè шо ќе напрајш муабет со другарите пренеси му на дечко ти, пошо он треба да ти го испере мозочето
— Објавувачот (@Publishermkd) November 3, 2013

Правило за другарство и врска број 2: Дечкото е секогаш побитен од сите поминати моменти со другарите, така да, screw them
— Објавувачот (@Publishermkd) November 3, 2013

Правило за другарство и врска број 3: Совет од другар не се прифаќа. Он те знае само повеќе од 2 години и не знае шо е добро за тебе
— Објавувачот (@Publishermkd) November 3, 2013

Правило за другарство и врска број 4: Совет од дечко е ултиматум пошо он иако те знае само 3 месеци, т…